Бүгін аудан әкімінің орынбасары Қайрат Аманов ішкі нарықта тапшылық тудырмау мақсатында аудандағы жанар-жағармай құю бекеттеріндегі жанар-жағармай көлемін анықтады. Мәселен, 13 бекетте АИ-92-нің 93 тонна қоры болса, бағасы—182 теңге. АИ-95 — 25 тонна, бағасы —215 теңге. Дизель отынының 5 құю бекетінде 40 тонна қоры бар, бағасы—230 теңге, талонмен сатылуда. Сұйытылған газ 7 май құю бекетінде сатылуда, қор көлемі —19 тонна, сатылу бағасы —65 теңге. Қайрат Тілеубайұлы кәсіпкерлерге бағаны негізсіз көтермеу керектігін ескертті. Аудан халқы жанар-жағармай тапшылығын тартпау үшін тиісті жұмыстар атқарылуда.