Қазақстандық боксшы Фируза Шарипова өзінің кәсіби мансабындағы келесі қарсыласының видеосымен бөлісті деп хабарлады turkystan.kz. Спортшы Instagram парақшасында малавилік боксшы Рут Чиселдің камераға айқайлап, қазақстандық боксшыға қоқан-лоққы жасаған видеосын жариялады. «Менің қарсыласым Рут Чисейл маған бейнехабарлама жіберді. «Шарипова! Жақында мен саған жекпе-жекке келемін, белбеу менікі! Сәттілік». Қорқытып жатыр» деп жазды Фируза видео астына. Шарипова мен Чисейл арасындағы жекпе-жек 20 мамырда Таразда өтеді. Жекпе-жекте WBC Silver титулы сарапқа салынады. Айта кетейік, Чисейлмен жекпе-жекке дейін қазақстандық спортшы 29 сәуірде MMA ережелері бойынша ресейлік Елена Бондаренкомен кездеседі. https://turkystan.kz/article/219618-malavilik-boksshy-firuza-sharipovany-korkytty-video/