Аудан әкімі Әлихан Әбіләшұлы Балқыбеков аудан тұрғындарын жеке өтініштері бойынша қабылдады. Аудан басшысына қайырылған азаматтар қайтарымсыз грант алуға, тұрғын үй, жеке үй салуға, суармалы, жайылымдық жерлер алуға, үйдің қасындағы футбол алаңшасындағы турникті басқа жерге ауыстыруға көмек сұрады. Кейбір азаматтардың өтініштері сол жерде шешімін тапса, кейбіреулерінің зерделеніп, жақын күндері нақты жауабы берілетіндігі айтылды. Ауыл азаматтарының өтініштері бойынша тиісті лауазым иелеріне нақты тапсырмалар беріліп, орындалу мерзімі белгіленді.