Пластик ыдыстан су ішіп, тамақ жеудің кері әсері көп. Бұл туралы эндокринолог Гүлнұр Мұратқанқызы «Еларна» телеарнасындағы «Жаңа қадам» бағдарламасында айтты деп хабарлайды turkystan.kz. Дәрігердің айтуынша, ер адамның бойындағы тестостерон гормонының төмендеуінің бір себебі – сусынды пластик бөтелкеден ішу. Пластик бөтелке, пластик ыдыстарды үнемі қолдану қауіпті. Өйткені пластик құрамындағы бисфенол тағам, су арқылы ағзаға өтіп, ксеноэстроген гормонына айналады. Бұл әйел адамның эстроген гормонына өте ұқсас.

 «Күнде пластиктен су іше берсе, ксеноэстроген бөлініп, ол тестостерон гормонының орнына отырып алады. Ер-азаматтарға соны айтуымыз керек. Медицинада феминизация деген термин бар. Ер азаматтардың дене пішіні әйел адамға ұқсап бара жатқандығы. Бұған басты себеп – пластиктің көбеюі», – дейді Гүлнұр Мұратқанқызы.

https://turkystan.kz/article/224274-er-azamattarga-plastik-botelkeden-su-ishuge-bolmaydy-endokrinolog-video/