«Жыл патриоты» номинациясының жеңімпаздары марапатталды

Халқымызды елдікке бастайтын айтулы форум аясында мәртебелі мемлекетімізді әлемге танытып, қоғамға ерлік істерімен отансүйгіштікті дәріптеп жүрген белгілі қазақстандықтар, белсенді жастар мен танымал тұлғалар «Жыл патриоты» марапатына ие болды. Дәстүрге айналған тағылымды іс-шарада Мемлекет басшысы Қасым-Жомарт Тоқаевтың құттықтау хаты оқылды.

Биыл еңбегімен ерекше көзге түскен 12 адам 12 түрлі номинацияда марапатталды. «Мәдениет және спорт» номинациясында бокстан Қазақстан құрамасының бас бапкері Мырзағали Айтжанов және әлемге танымал пианист Темірлан Бейсенбай (Ratovich) «Жыл патриоты» атанды. Сондай-ақ отандық ғалымдар, оқытушылар, кәсіпкерлер, дәрігерлер, донорлар, IT және ауыл шаруашылығы саласының мамандары осындай абыройлы марапатқа ие болды.

https://turkystan.kz/article/224908-zhyl-patrioty-nominatsiyasynyn-zhenimpazdary-marapattaldy-2/