Жастар ресурстық орталығының ұйымдастыруымен аудан жастарының бос уақытын тиімді пайдалану мақсатында Орталық саябақта «Жайдарлы Жуалы» жас жайдарманшылар ойыны және концерттік бағдарламасы өткізілді.

Кеште өнер көрсеткен «Жұрттың балалары идеал емес», «Болашақ лидерлер», «Қарасаз құрамасы» командалары және Тараз қаласынан «Тамбур» командасы.

Өнер көрсеткен жас жайдарманшылар құрама командалары түрлі тақырыпта әзіл-ойын көрсетіп, көрермен ықыласына бөленді. Әннен шашу шашқан «Империя қыздары», Мадияр Сағынбек көңілді кештің көркін ашты.

Музыкалық ноталарды жасырып, қызықты сұрақтар қойып, көрермендер арасында ойындар ойнатылды. Тапқыр көрермендерге сыйлықтар үлестірілді.

Әр команда «Әулиеата жастары» өңірлік бағдарламасын жүзеге асыру аясында жайдарман ойындарының өтуіне атсалысқаны үшін Жастар ресурстық орталығының Алғыс хатымен марапатталды.