Дереккөз: Orda.kz Ведомствоның мәліметінше, Ақылбекова ұсталған азаматты полиция бөлімшесіне жеткізгеннен кейін үш сағаттан соң тіркеуге алмағаны үшін кінәлі деп танылған. АлӘнуарбеков Ақылбекованы "бақыламаған" және Қалиевтің ғимаратта тіркеусіз жүргенін басшылыққа хабарламаған. Сот үкімі заңды күшіне енген жоқ. Елдос Қалиев 2022 жылдың 10 қаңтарында ұсталған. Ол сол кезде уақытша ұстау изоляторында "түсініксіз жағдайда" қайтыс болды. Семейде Елдос Қалиевтің өліміне қатысты бір мезетте тағы бір процесс жүріп жатыр. Бұл істе Семей қалалық полиция басқармасының қылмыстық полиция бөлімінің жедел уәкілі Айдын Азанбаев айыпталушы танылған. Оған "Азаптау" және "Билік өкілетін асыра пайдалану" баптары бойынша айып тағылған. Тергеу органдарының хабарлауынша, ол "анықталмаған адамдармен" Елдос Қалиевті азаптаған.

---

• • Қырғыз музыканты Рузахуновтың ішкі істер министрлігіне қарсы шағымы: Сот шешім шығарды

• • Қаңтарда оққа ұшқан 4 жасар Айкөркемнің өліміне байланысты қозғалған іс сотқа жолданады - Бас прокуратура

• "Дикий Арман" азаптау дерегіне қатысты сотта жеңіп шықты

---

Іс бойынша куәгерлер – Қалиевпен бір камерада отырғандар Қалиевтің ауыр соққыға жығылғанын, ауыр тыныс алып, еденде дөңбекшігенін айтқан. Камерада бірге отырғандар полиция қызметкерлерін шақырғанмен Қалиевке ешқайсысы келмеген. “Оны өлтірген – басқаша айту мүмкін емес. Медициналық сараптама жүргізілді: оның бір жағындағы қабырғалары ішке кіріп кеткен, бір аяғы тұтас көкпеңбек, басы ұрылған. Денесі тұтас ісіп кеткен. Саусақтары мен аяғының башпайлары ұрылған – мен мұндайды бірінші рет көрдім. Ол атлет емес, салмағы 60 килограмнан артық болмаған. Адамды хайуанша өлтіру. Маньяк тіпті фашистер де бұлай істемес еді. Ант берген құқық қорғау органдары қалайша мұндайға барды?”, – деді Елдос Қалиевтің жақын досы Талғам Исламов. Келесі сот отырысы 19 маусымға тағайындалған. Бас прокуратураның мәліметінше, қаңтардағы наразылық кезінде тұтқындарды азаптағаны үшін елімізде барлығы тоғыз құқық қорғау қызметкері бас бостандығынан айырылған. Барлығы 35 қауіпсіздік қызметкері жауапқа тартылды. Қаңтар оқиғасы кезінде азаптау фактілері бойынша прокурорлар 11 қылмыстық іс тергегені нақтыланды. Бұл жағдайда 84 адам зардап шегуші деп танылған.