Бүгін аудан әкімі Әлихан Әбіләшұлы Жамбыл, Мойынқұм ауылдарында болып, ағымдағы жылы жүзеге асырылатын бастамалар туралы тұрғындармен кездесу өткізді.

Жиында ауыл азаматтары жайылым жер, көше асфальттау, жарықтандыру, ағын су, ауыз су жүйесінің құрылыс сапасы, қоқыс мәселері бойынша сауалдар жолдады.

Аудан әкімі Әлихан Әбіләшұлы Жамбыл, Мойынқұм ауылы азаматтарының айтарын орындауға күш салатынын, жұмыстың орындалуы үшін бөлім, мекеме басшыларына тапсырма беріп, ауыл тұрғындарымен бірлесе жұмыс жүргізу керектігін жеткізді.

Кездесуге аудан әкімінің орынбасары Ж.Исақов, аудандық мәслихат депутаттары және бірқатар бөлім басшылары мен ауыл ардагерлері қатысты.

Жиында аудандық полиция бөлімінің бастығы Жарас Тоқабаев тұрғындарға интернет алаяқтық туралы түсіндірме жүргізді.