Бүгін аудан басшысы Ернар Серікәліұлы кішкентай чемпиондар - Бахытбек Аружан Нұржанқызын және Каипова Айару Ниязбекқызын, қос чемпионның жаттықтырушылары мен ата-аналарын қабылдап, еліміздің абыройын асқақтатқан жеңістерімен құттықтады.

13 жасар Бахытбек Аружан Нұржанқызы маусым айының 28-і мен шілде айының 4-і күндері аралығында Италия мемлекетінде Ассизи қаласында өткен бокстан халықаралық турнирінде күміс жүлдені иемдеген.

Ал 6 жасар Каипова Айару Ниязбекқызы 30 маусым мен 10 шілде аралығында Қырғызстан елінде өткен шахматтан жасөспірімдер арасында Батыс Азия Чемпионатында Азия чемпионы атанған.

Чемпионатта:

- Жекелей рапид (жылдам) шахматтан 1 орын,

- Жекелей классикалық шахматтан 1 орын,

- Командалық рапид 1 орын,

- Командалық блиц 2 орын,

- Командалық классика 2 орын иеленген.