Елордалық өрт сөндірушілер өртті сөндіру кезінде адамдарды құтқарды, деп хабарлады turkystan.kz. Қалалық ТЖД баспасөз қызметі хабарлағандай, 23 шілдеде сағат 21.57-де өрт сөндіру бөлімшелеріне Көктал ауданында жатақхана жанып жатқаны туралы хабарлама түскен.

«Өрт сөндірушілер келгеннен кейін 20 шаршы метр алаңда 2-қабаттағы бөлмелердің бірінде өрт шыққаны анықталды. Өрт тез таралды, жоғарыдағы бөлмелерді түтін басты. Өрт сөндірушілер қою түтін арасында жұмыс істеді. Елордалық өрт сөндірушілердің күшімен үш иінді көтергіш арқылы 2 адам аман-есен құтқарылды. Жатақхананың 60 тұрғыны эвакуацияланды», – делінген хабарламада.

Тұрғындарды орналастыру мәселесін жатақхана иесі шешеді. ТЖД күшімен өрт 22.28-де оқшауланып, 22.48-де сөндірілді.

«Өртті сөндіруге Астана қаласы ТЖД жеке құрамынан 41 адам мен 9 бірлік техника жұмылдырылды.  Қаза болғандар мен зардап шеккендер жоқ», – делінген хабарламада.

https://turkystan.kz/article/228458-astanada-zhatakhana-ortenip-60-adam-evakuatsiyalandy/