25 шілде күні Алматыдағы базар маңында оқушы қызды жүк көлігі қағып кетті. Қыздың отбасы жолды рұқсат етілмеген жерден кесіп өткен, деп хабарлады http://turkystan.kz Көлік қағып кеткен 15 жасар қыз Алматы қаласындағы Балалар жедел медициналық жәрдем орталығына шұғыл түрде жатқызылған.

«Бала жол апатынан зардап шекті: қызды Солтүстік айналма жолының бойында жүк көлігі қағып кеткен, соққының салдарынан қыз бірнеше метрге ұшып кетіп, басы асфальтқа тиген. Қабылдау бөлімінде клиникалық-зертханалық зерттеулер мен мамандардың консультациясы жүргізілді», – делінген Алматы денсаулық сақтау басқармасының хабарламасында.

Дәрігерлердің айтуынша, қыз жабық бас сүйек-ми зақымын алған, миы шайқалған, қол-аяғы жарақаттанған. Қазір ол Балалар жедел медициналық жәрдем орталығының нейрохирургия бөлімінде ем алып жатыр. https://turkystan.kz/article/228661-almatydagy-bazar-manynda-okushy-kyzdy-zhuk-koligi-kagyp-ketti-video/