Жамбыл облысының әкімі Нұржан Нұржігітов азаматтарды жеке сұрақтары бойынша қабылдау өткізді. Қабылдауға Сарысу, Меркі, Жуалы, Жамбыл аудандары мен Тараз қаласынан жазылған азаматтар бірқатар мәселелерді көтеріп, өтініштерін жеткізді. Атап айтқанда, олар орман шаруашылығын дамыту, ауыл шаруашылығы бойынша субсидия алу, жер, баспана, жұмысқа орналасу мәселелерін шешіп беруді сұрады. Қабылдауға жазылған басқа да азаматтар әлеуметтік көмек көрсету, мүгедектігі бойынша зейнеткерлікке шығу және өзге де мәселелерді көтерді. Облыс әкімі азаматтардың өтінішіне жіті көңіл бөліп, барлық мәселелер тиісті заңнамалар аясында қарастырылатынын атап өтті. Бірқатар өтініштерді жан-жақты зерделеу үшін жауаптыларға нақты тапсырмалар жүктеді.   Жамбыл облысы әкімдігі