«Қарызсыз қоғам»: Алматы облысында 3 500 тұрғын қаржылық сауатын арттырды

Аталған жоба аясында Еңбекшіқазақ, Жамбыл, Іле, Қарасай, Кеген, Талғар аудандарында 3 500 адам білім алды. Жыл соңына дейін облыста 10 мыңнан астам азаматты оқыту жоспарланған.

Оның айтуынша, қаржылық сауатты арттыру курсына орта жастағы азаматтардан бөлек ақжаулықты аналар мен қарттар да қатысуда. Мәселен, жоба қатысушыларының бірі 22 жастағы баласының соңғы екі жылда құмар ойынға тәуелді болып, онлайн микроқаржылық ұйымдардан 6 несие рәсімдегенін айтты. Ұлының тұрақты табысы болмағандықтан несие уақтылы төленбей, коллекторлық компаниялар ата-анасына қысым көрсете бастаған.

Зәмзәгүл Сламбекова оқу бағдарламасы аяқталғаннан кейін несие төлемдері мен құжаттарын талдау нәтижесінде зейнеткердің баласы 4 несиесін толық жабуға мүмкіндік алғанын атап өтті. Сонымен қатар, зейнеткердің ұлының шоты бұғаттан шығарылып, екі несиесі бойынша төлем қабілетін қалпына келтіру рәсімі жүргізіліп жатыр. Нәтижесінде, азамат тамыз айында жұмысқа шығатынын жеткізген. Айта кету керек, оқуға қатысқан тұрғындардың 95%-ы банктер мен микроқаржы ұйымдарына берешегі бар. Олардың бірнеше несие өтеп жатқаны, тіпті 12 несиесі бар отбасы белгілі болды. https://turkystan.kz/article/228887-karyzsyz-kogam-almaty-oblysynda-3-500-turgyn-karzhylyk-sauatyn-arttyrdy/