Аудандық Мәдениет үйінде «Халық үніне құлақ асатын мемлекет» тұжырымдамасы аясында Жуалы аудандық халық шығармашылығы және мәдени демалыс орталығының директоры С.Біланқызы аудан орталығының және ауылдық округтердің мәдени саласындағы шығармашылық қызметкерлерімен кездесу ұйымдастырды.

Кездесу жиынында жұмысшылардың жұмыс кестесі, қоғамдық жұмыстары, әдеп нормалары жүйеленіп, бірқатар сын-ескертпелер ескертілді. Мәдени саланың қызметкерлері іс-шараларды ұйымшылдықпен атқарып, жетістіктер биігінен көрініп жүргені де анық.

Әрбір іс-шарада кәсібилігін көрсетіп жүрген мамандар «Жуалы-95» жылдығына ауылдық округтерде өткізілетін байқаудың көрнекіліктерін пысықтады.

Мәдени саланың қызметкерлерімен өткізілген кездесуде бірқатар сауалдарға жауап берілді.