Байзақтағы денсаулық сақтау мекемелері қысқы кезеңге әзір

Ауданның аумағында 45 денсаулық сақтау мекемелері жұмыс істейді. Оның 1-еуі – Жамбыл облыстық туберкулезге қарсы ересектерге арналған санаторийі. Барлық медициналық бағыттағы нысанның ішіндегі 15 емдеу мекемесі қазандықтары көмір пайдаланады. Қалған 30 мекеме газбен жылытылады. «Денсаулық сақтау орталықтарының 3-еуі орталықтандырылған қазандықтармен қамтылған. Қалған 42 мекемеге автономды жылыту жүйесі қойылған. 2 мекемеге «Жамбыл жылу» мемлекеттік қазынашылық кәсіпорыны қызмет көрсетеді. Бұларға қысқы жылыту маусымына қажетті отын қорын алуға 12,6 млн теңге қарастырылды. Оның 8,6 млн теңгесіне көгілдір отын сатып алынады, 4 млн теңгеге 220 тонна қатты отын жеткізілді. Мұнда 1 тонна көмірдің бағасы 18 498 теңгеден айналды. Қазіргі таңда 220 тонна көмір толығымен түсірілді», - деп түсіндірді аудан әкімі Бақыт Қазанбасов. Айта кетейік, 2021-2022 жылдардағы жылыту маусымына Байзақ ауданы тұрғындарына 4 544 тонна көмір тасымалдау жоспарлануда. 2019 жылғы қажеттілік 8 300 тоннаны құраған екен, ал былтыр 6 905 тонна болған. Көмір Тараз қаласындағы Мәмбет батыр көшесінде орналасқан мекен жайлардан, «Садыков М.», «Алимбеков Б.» жеке кәсіпкерліктерінің және «Казугольснаб» ЖШС-ның қоймаларынан тасымалдануда. Қазіргі таңда аудан аумағына 3 821 тонна көмір түсірілген немесе жалпы қажеттіліктің 84 пайызын құрап отыр.