Аталған серіктестік өкілдерімен бірге Тасөткел ауылдық округін аралап, компанияның жергілікті тұрғындар алдындағы әлеуметтік жауапкершілік мәселесі жан-жақты жоспарланды. Дәлірек айтсақ, мұндағы Құмөзек, Аспара стансаларына спорт және ойын алаңшаларын салу, елді мекендегі әлеуметтік нысандарды қалпына келтіру, тұрғындарға жан-жақты қолдау көрсету сынды мәселелер талқыланды.

Күн көзінен энергия өндіруді жоспарлап отырған серіктестік қазіргі жоспарын жүзеге асырып, өз жұмысын нақты бастағанда жоғарыда аталған елді мекендердің гүлденуіне айтарлықтай серпін беретіні сөзсіз. Бұл бағыттағы жұмыстар қарқын ала бастағанда серіктестіктің әлеуметтік жауапкершілігі бойынша ауыл тұрғындарымен арнайы жиын өткізіп, халықтың пікіріне құлақ асылатынын болады.