Комиссия отырысына, Қазақстан Республикасы Ұлттық Қауіпсіздік Комитетінің Жамбыл облысы бойынша департаментінің Мойынқұм аудандық бөлімшесінің, аудандық полиция бөлімінің мамандары, аудан әкімдігі жанындағы терроризмге қарсы комиссия мүшелері және ауыл, ауылдық округ әкімдері қатысты.

Жиынның күн тәртібінде негізінен 3 мәселе қаралып, талқыланды.

Бірінші мәселе, яғни теологиялық білім алуға ниетті тұлғалардың өзге мемлекеттерге шығуына шектету және оларды қайтару бойынша қабылданған іс-шаралар туралы аудан әкімдігінің ішкі саясат бөлімінің басшысы Жанар Несіпбаева өз анықтамасын берсе. Ал аудандағы террористік тұрғыдан осал объектілердің тізіміне кіретін мекемелердің терроризмге қарсы қорғалуы және террористік тұрғыдан осал нысандардың тізімін қайта қарастыру бойынша аудандық полиция бөлімі басшысының орынбасары Серік Ептибаев баяндама жасады. Сонымен қатар үшінші мәселе аудандық терроризмге қарсы комиссиясының алдыңғы отырысындағы берілген хаттамалық тапсырмалардың орындалуы туралы аудан әкімінің бас инспекторы Дулат Алтамашев кеңінен тоқталып өтті.

Жиынды қорытындылаған аудан әкімі Әлихан Балқыбеков баяндамаларды мұқият тыңдап, комиссия мүшелерімен талқылады. Онда түйткілді мәселелер хаттамаға түсірілді.