Талас ауданы әкімдігінде Құтқарушылар күніне арналған салтанатты шара ұйымдастырылды. Жиынға аудан басшысы Нұрбол Жүнісбеков арнайы қатысып, сала мамандарын мерекемен құттықтады. Бұл туралы «NAQ.kz» ақпарат агенттігі әкімдікке сілтеме жасап хабарлайды.

«Сіздерді, бүгінгі кәсіби мерекелеріңіз - Құтқарушылар күнімен шын жүректен құттықтаймын! Бұл жауапты да қиын мамандықты игеру кез-келген адамның қолынан келе бермейтін іс. Себебі сала мамандарының өз істерін абыроймен атқаруы құтқарылған адам өмірімен өлшенеді. Қандай қайғылы, қасіретті оқиға болмасын, бар күш-жігерін сала отырып құтқару жұмыстарын жүргізеді деп сенеміз. Баршаңызға ауыр да адал еңбектеріңіз үшін шынайы алғысымды білдіремін», - деді, аудан басшысы.

Салтанатты жиында төтенше жағдайлар қызметінің мамандары «Талас ауданына сіңірген еңбегі үшін» белгісімен, аудан әкімінің Алғыс хатымен, Құрмет грамотасымен, мәслихат төрағасының Құрмет грамотасымен сонымен қатар, Қаратау қаласының 60 жылдығына арналған мерекелік төсбелгімен марапатталды.