Құрылысы жұмыстарына 9 млн астам қаражат қаралып, мердігер мекеме «Energy kaz group» жұмыстарды сапалы аяқтаған. Алаңша теміржол өткеліндегі, яғни Ғ.Мұратбаев көшесі тұрғындарына қызмет көрсетпек. Тұрғындардың қуанышына ортақтасуға келген аудан әкімінің орынбасары Махпал Досымбекова мен "АМАНАТ" партиясы аудандық филиалының төрағасы Талап Әбдібеков жұртшылықты жаңа нысанның салтанатты ашылуымен құттықтап, спорт саласында атқарылған жұмыстарға да тоқталып өтті.

 – Сіздерді бүгінгі ашылып отырған шағын футбол алаңының ашылуымен құттықтаймын. Халқымыз ежелден денсаулықтың қадірін жете түсініп, оны басты байлыққа балаған. Осы қағиданы берік ұстанған мемлекетіміз ел халқының ойы сергек, дені сау болуы үшін қолда бар мүмкіндіктің барлығын жасауда. Ауданымызда спортқа ден қойған азаматтардың саны жыл сайын артып келеді. Соның бір айғағы, ауданымызда дене шынықтыру және спортпен жүйелі түрде шұғылданушылардың саны 35 мыңға жетті.  Өңірде бұқаралық спортты дамытуға үлкен мән беріліп, 174 спорт нысаны жергілікті тұрғындарға қызмет көрсетуде.  Ағымдағы жылы Сұлутөр ауылында спорт кешені пайдалануға берілсе, жыл соңына дейін тағы 4 елді мекенде спорт кешендерін пайдалануға беру жоспарлауда. Сонымен қатар, келесі 2024 жылы Бесағаш ауылында спорт кешенінің құрылысы аяқталатын болады, – деді Махпал Сатыбалдықызы.

Сондай-ақ Талап Нышанбекұлы да сөз алып, Мемкет басшысы бұқаралық спортты дамыту бағытындағы жоспарлы жобалар өңірімізде сәтті жүргізіліп жатқанын тілге тиек етті. Мұнан соң аудан әкімінің орынбасары Мақпал Досымбекова Қырғыз елімен шекаралас жатқан Қаратау елді-мекеніндегі кіші футбол алаңының ашылуына барды. Құрылысы жұмыстарына 10 млн астам қаражат қаралып,  мердігер мекеме «TOO Ronder» жауапкершілігі шектеулі серіктестігі талапқа сай спорт нысанын мерзімінде ел игілігіне берген. Шарада Махпал Сатыбалдықы жастарды спортқа баулу мемлекетіміздің басым бағыттары екенін айтса, ауыл ақсақалы Нұрғали Папанов осы күнге дейін ауыл балалары спортпен айналысу үшін жергілікті білім ордасының спорт залын пайдаланып келгенін алға тартып, аудан басшыларына ризашылығын жеткізді. Жалпы аудан әкімдігі денешынықтыру және спорт бөлімінің басшысы Мади Жанұзақовтың айтуынша,  өңір тұрғындарына 1 стадион, 3 спорт кешені, 42 спорт зал, 20 үлкен футбол алаңы, 54  кіші футбол алаңы, 16 баскетбол алаңшасы, 20 волейбол алаңшасы, 12 стритворкаут, 4 әмбебап алаңшасы, ипподром, теннис корты қызмет көрсетеді. Алдағы күндері  Тоғызтарау ауылында кіші футбол алаңы,  Гродекова ауылында денешынықтыру-сауықтыру кешені, балалар ойын алаңшасы, Қызылдихан ауылында кіші футбол алаңы, Айшабибі ауылында әмбебап спорт кешенінің кермесі қиылады. Жамбыл ауданының әкімдігі